Келажагим учун овоз бераман!

Ажинияз номидаги Нукус давлат педагогика институтида талаба-ёшлар билан учрашув ташкил қилинди.

Тошкент шаҳридан келган бир гуруҳ меҳмонлар томонидан «Келажагинг учун овоз бер!» шиори остида ўтказилаётган «Тарғибот поезди» лойиҳасининг мазмун-моҳияти, шунингдек, талабаларга сайлов қонунчилиги ва сиёсий янгиликлар тўғрисида батафсил маълумотлар берилди.

Сўнг институт мажлислар залида талаба-ёшлар орасида сайлов жараёнларидаги янгиликлар, сайловларда ёшларнинг ўрни ва бу жараённинг мамлакат тараққиётидаги аҳамияти ҳақида «Ёшлар келажаги учун овоз берамиз» мавзусида 5 та сиёсий партиянинг фаоллари билан учрашув ўтказилди. Меҳмонлар иштирокидаги мазкур тадбир қизғин савол-жавоблар асосида ўтди. Фаол иштирокчиларга фахрий ёрлиқ ҳамда эсдалик совғалари берилди. Учрашув концерт дастури билан давом этди.

Шарипа ТОРЕШОВА,

“Адолат” СДП Қорақалпоғистон Республикаси

Кенгаши Мафкуравий

ишлар бўйича бош мутахассиси