Конституциявий фаолликни кучайтирамиз

Биз тезкор техника асрида яшар эканмиз, бугунги янгилик бўлиб ҳаммани ҳайратда қолдирган нарса эртага эскилик сарқитига айланмоқда, шунга қараб одамларнинг ўй-фикрлар ҳам, дунё қараши ҳам тезкор ўзгариб бормоқда. Шундай экан бундан ўттиз йил олдин чиқарилган қонунлар ҳам ҳозирги тезкор техника асрига тўғри келмай қолиши ҳам табиийдир.

Биз демократик мамлакатда яшаяпмиз, десак муболаға бўлмайди, чунки конституцияга ўзгартириш киритиш мақсадида, халқ фикрини билиш, ўзгартиришлар учун кенг оммадан таклифлар қабул қилиш, ҳар бир олинган таклифга эътибор қаратиш ва олинган таклифлардан келиб чиқиб конституция моддалари ўзгартиришлар киритиш ишлари олиб борилмоқда. Биз «Адолат» СДП Хоразм вилояти Кенгаши ходимлари ҳам бу борада тарғибот-ташвиқот ишларини бирдамлик билан олиб бормоқдамиз. Ёшлар орасида ўзининг келажаги бўлмиш янгиланган конституцияга бефарқ бўлмаган ёшлар таклифларни оғзаки ҳамда ёзма равишда тўлақонли етказиб бермоқдалар. Айниқса, коррупцияни батамом йўқотиш учун, коррупция жиноятини амалга оширган яъни пора олган ҳам пора берган ҳам қаттиқроқ жазо тайинланиши ҳақидаги таклифлари ўринли бўлди. Шу билан бирга ёшларни бандлигини таъминлаш, чет мамлакатларда ишлашни хоҳловчи ёшлар фақат қонун йўли билан чиқишлар, ноқонуний миграцияга қарши қонунда кўрсатиб ўтилса, деган таклифлари, ёшларимизнинг келажаги бўлган конституцияга бефарқ эмаслигидан далолатдир. Конституцияга ўзгартириш киритиш учун тарғибот-ташвиқот ишлари давом қилмоқда, таклифлар қабул қилинмоқда.

Партиямиз фаоллари билан ҳамжиҳатликда конституциявий фаолликни кучайтирмоқдамиз. Зеро, Конституция- келажагимиз белгиловчи дастурдир.

Гулора ИСМОИЛОВА,

«Адолат» СДП

Хоразм вилоят Кенгаши бош мутахассиси