Коррупцияга йўл йўқ бўлсин!

Кейинги вақтда коррупцияга қарши курашиш долзарб вазифалардан бирига айланди. Чунки бу иллат бор экан, жамиятда ўсиш, ривожланиш бўлмайди. Ўзбекистон “Адолат” СДП Андижон вилоят кенгаши ташаббуси билан ташкил этилган “Коррупция - тараққиёт кушандаси” мавзусидаги онлайн видеоконференция айни шу мавзуга бағишланди. Унда партия фаоллари ва маҳаллий кенгаш депутатлари иштирок этди.

Ҳуқуқшунослар амалдаги қонунчилик ва жиноятнинг бу турига йўл бермаслик, унга жазо муқаррар эканлиги хусусида сўз юритдилар. Агар ҳар бир фуқаро бу масалага қонун кўзи билан қараса унинг олди олинади. Ўз ўрнида жамоатчилик орасида тушунтириш ишларини  олиб бориш мақсадга мувофиқдир.

Мавзу юзасидан иштирокчиларнинг фикрлари ҳам эшитилди. Вилоят партия кенгаши қошида “Адолатчи-қонунчи” гуруҳини тузиш ва фуқароларнинг коррупция билан боғлиқ муаммоларини ўрганиб боришга келишиб олинди. Бир овоздан коррупцияга йўл бермаймиз, дея қарор қилинди.

Нилуфар ЙЎЛДОШЕВА,

Ўзбекистон “Адолат” СДП Андижон вилоят

 кенгаши ижрочи котиби