“Меҳнат фахрийси” кўкрак нишони муборак бўлсин!

Ўзбекистон фахрийларининг ижтимоий фаолиятини қўллаб-қувватлаш “Нуроний” жамғармаси Васийлик Кенгашининг мамлакатимизнинг иқтисодиёт, ишлаб чиқариш, илм-фан, маданият, таълим, соғлиқни сақлаш, юриспруденция ва бошқа соҳаларида кўп йиллар давомида ҳалол ва самарали меҳнат қилган пенсия ёшидаги юртдошларимизни, шунингдек, ҳаётини ўзбек оилалари мустаҳкамлигини сақлаш, фарзандларимизни жамият олдида масъулият, миллий ва умуминсоний қадриятларга, катталарга ва ёш авлод вакилларига ҳурмат, она Ватанга муҳаббат, истиқлол ғояларига садоқат руҳида тарбиялаш ишларига бағишлаган, жамиятда ҳурмат қозонган  Республика ташкилотлари вакиллари, нуроний ота-оналарнинг бир гуруҳини “Меҳнат фахрийси” кўкрак нишони билан тақдирлаш тўғрисидаги 2022 йил 6 майдаги қарорига асосан бу мукофотга муносиб кўрилган бир қатор ватандошларимиз орасида Ўзбекистон “Адолат” социал-демократик партиясининг фидойи, ватанпарвар ходимлари, аъзолари ва фаолларининг ҳам тақдирланиши биз, “Адолат”чиларни жуда қувонтирди.

“Меҳнат фахрийси” кўкрак нишони билан муносиб тақдирланган қуйидаги партиядошларимиз, устозларимиз, сенатор ва депутатларимиз, фахрийларимиз, ҳудудий Кенгашларимиз раҳбарлари, фаолларимизни “Адолат” СДП Сиёсий Кенгаши,  Марказий аппарат жамоаси, кўп минг сонли партия аъзолари номидан  самимий қутлаб, барчасига соғлик, иш фаолиятларида муваффақиятлар тилаймиз.

"Адолат" СДП Матбуот хизмати