Муҳтарама онахонлар, қадрли опа-сингиллар!

Сиз азизларни, Сизларнинг тимсолингизда барча аёл-қизларимизни гўзаллик ва нафосат байрами – 8 март билан чин қалбимдан муборакбод этаман.
Бу қутлуғ айёмда барчангизга энг самимий, энг эзгу тилакларимни йўллайман!
Ўзбекистон “Адолат” СДП мамлакатимизнинг янада равнақ топиши, аҳолимиз ҳаётини муносиб даражага кўтариш, аввало Сиз, азизларнинг орзу-ниятларингиз ва манфаатларингизни рўёбга чиқаришни ўз олдига катта вазифа қилиб қўйган.
Бу борада сизлар билан биргаликда халқимиз тинчлиги, юртимизнинг гуллаб-яшнаши ва равнақи йўлида биргаликда Сайловолди дастурларида илгари сурган ғояларимизни амалга ошириб, Ватанимизга сидқидилдан хизмат қилишимизга ишонамиз.
Бизнинг тилагимиз, мақсадимиз битта – оилангиз, фарзандларингиз, жонажон мамлакатимиз бахтига ҳамиша соғ-омон бўлинг!
Барчангизга оилавий хотиржамлик, хонадонларингизга тинчлик, файзу барака тилаймиз.
Байрам муборак бўлсин, муҳтарама онахонлар, азиз опа-сингиллар!

Робахон МАХМУДОВА,
Ўзбекистон “Адолат” СДП
Сиёсий Кенгаши раиси