Сени куйлаймиз, адолат!

18 февраль Ўзбекистон «Адолат» социал-демократик партияси ташкил топган кун. Бугун партиямиз ташкил топганига 27 йил тўлди. 1995 йил 18 февралда илк бор бўлиб ўтган Ўзбекистон «Адолат» социал-демократик партиясининг таъсис Қурултойида тасдиқланган эди.

Бугун ушбу сана муносабати билан партиямизнинг Жомбой туман Кенгаши ташаббуси билан ташкил этилган «Сени куйлаймиз, Адолат» кўрик танлови ғолибларини тақдирлаш маросими бўлиб ўтди. Унда партия фаоллари, туман кенгаши ходимлари, депутатлари ва «Ёшлар адолатчилар» ва «Аёллар қанот» аъзолари, партия қошидаги «Истеъдод клуби» фаоллари иштирок этишди.

Жумладан, «Энг яхши адолат куйи жамоавий ижроси» номинацияси бўйича туманнинг 36-мактаб 6-синф ўқувчилари ғолибликни қўлга киритган бўлса, «Энг яхши Адолатни куйловчи шеър» номинациясида ғолиблик шоира Мавлуда Мумтоз (Мавлуда Эргашева)га насиб этди. «Энг яхши Адолатни эътироф этувчи мақола» номинация бўйича пешқадамликни туманнинг 14-мактаб 6-синф ўқувчиси Отабекова Шайдобону ҳамда 36-мактабнинг 10-синф ўқувчиси Ҳилола Болтаевалар қўлга киритишди.

Ғолибларга партиянинг фахрий ёрлиқ ва дипломлари билан биргаликда партия қошидаги «Аёллар қаноти» раиси, тадбиркор Зулфия Мамадиёрова томонидан эсдалик совғалари билан тақдирланишди.

Маълумот ўрнида, ўтган даврдан бугунги кунгача жамиятимизда адолат тантанаси учун курашаётган «Адолат» социал-демократик партияси Жомбой туман кенгаши таркибида 6 нафар депутат ҳамда 3000 нафардан ортиқ аъзолари мавжуд бўлиб, улар «Адолат ҳар бир инсон учун» каби ҳаётбахш ғоялар ижроси йўлида хизмат қилишда олға бормоқда.

Шу фурсатдан фойдаланиб, барча юртдошларимизни партия фаолларини, депутатларини партия ташкил топганлигининг 27 йиллиги билан самимий муборакбод этамиз!

Комила УМАРОВА,

Ўзбекистон «Адолат» СДП Жомбой туман Кенгаши раиси.