Шифокорлар жамоат транспортларида юриб одамларни эмлаяпти

Ўзбекистон “Адолат” СДП Чилонзор туман Кенгаши ҳамда 36 – оилавий поликлиника ходимлари бўлган партия аъзолари биргаликда йўловчи ташувчи жамоат транспортларида юриб, фуқароларни вакцина билан эмламоқда.

Бундай осон ва қулай шароит яратилганидан одамлар ҳам хурсанд. Аҳолимиз саломатлигини қўриқлашга хизмат қилаётган шифокор ва партия фаоллари ҳам мамнун.

Мадамин ДЕХҚОНОВ, партия фаоли:

- Ҳар куни жойларда юриб, вакцина инсонлар учун қанчалик зарур эканлигининг тарғиботини олиб боряпмиз. Керак бўлса аҳоли гавжум жойларда учрашувлар ташкил қилиб, тушунтириш ишларини ташкил қиляпмиз. Бусиз кўзлаган натижага эришиб бўлмаслигини партиямиз электорати бўлган шифокорлар билан кўчама-кўча юриб ташвиқотини қиляпмиз. Шифокорларимиз керак бўлса жамоат транспортларида юриб одамларни эмлаяпти. Бу албатта, ўз натижасини беришига ишонаман.

Меҳринисо БОБОНАЗАРОВА,

Ўзбекистон “Адолат” СДП

Тошкент шаҳар Кенгаши

матбуот котиби