Татаристонда   хоразмлик ёш адолатчимиз  шоҳсупадан муносиб ўрин эгаллади  

Хоразмлик   ёш адолатчиларимиз дунё бўйлаб Ўзбекистонимиз байроғини баланд кўтаришга сазовор бўлаётгани ҳар биримизга ғурур бағишлайди.

Умр йўлларини  ёш авлодни  жисмонан соғлом, маънан етук қилиб тарбиялаш орқали Ватанимиз шаъни ва қадрини улуғлашга, дунё ҳамжамиятидаги ўрнини мустаҳкамлашга муносиб ҳисса қўшиб келаётган партиядошимиз Бекберган Болтаевнинг  Татаристон  республикасининг Болгар шаҳридан хабар беришича, Болгар шаҳрида катталар ўртасида ўтказилаётган Жаҳон кубогида ёш адолатчимиз  Марат Шахмаев 100 кг вазнда фаҳрли иккинчи ўринни қўлга киритган. 

Ютуқнинг яна бир қувонарли жиҳати,  Бекберган Болтаев ушбу мусобақада ҳакамлик қилган.

Бекберган Болтаев, Халқаро тоифадаги ҳакам:

–     Бугун  қардош республика ҳудудида туриб, Ўзбекистонлик эканимдан яна бир бора фахрландим.  Ватанимизни байроғи кўтарилганида қалбимда бир олам қувонч, фахр, ифтихорни  дилдан туйдим. Шогирдимни шоҳсупадан муносиб жой олганида хаёлимдан  Ватаним келажаги учун жон фидо қилишга тайёр эканимни чуқурроқ англаб етдим. 

Партиядошимиз билан  илиқ суҳбат қурар эканмиз, Ватанидан, унда фаолият олиб бораётган устозларидан  жумладан, Ўзбекистон белбоғли кураш федерацияси раиси Равшан Дастировдан миннатдор эканини мамнуният билан гапирди.

Бир сўз билан айтганда, Бекберган Болтаев каби устоз-мураббийларнинг келажак авлод учун тинимсиз хизматлари эътирофу эътиборга, эъзозга  лойиқ экани билан қувонарлидир.

                                                                                   Замира АБДУЛЛАЕВА,

                                     Ўзбекистон журналистлар ижодий уюшмаси аъзоси