Тилга ҳурмат – элга ҳурмат

«Адолат» СДП Фарғона шаҳар Кенгаши раиси Шаҳноза Аҳмедова томонидан "UZ HANWOO Ingineering“ қўшма корхонасида 21 октябрь – Ўзбек тилига давлат тили мақоми берилган кун муносабати билан «Тил байрами миллат байрамидир» мавзусида тадбир ўтказилди.

Унда корхона бош ҳисобчи ўринбосари, туркиялик Билол Ширин иштирок этди ва ўзбек тили ҳақидаги фикрлари билан ўртоқлашди.

-Биз қардош тиллар фарзандларимиз, – деди Билол Ширин. – Айрим сўзларни айтмаганда бир-биримизни осон тушунамиз. Ва қалбан яқинмиз. Ўзбек тили жуда чиройли. Меҳмондўст ва самимий халқининг тилида янада жозибаси ортади. Мен ўзбек халқини ҳам, тилини ҳам жуда ҳурмат қиламан.

Тадбир сўнгида «Ўзбек тилига давлат тили мақоми берилган кун» шиори остида челленж ўтказилди.

Мазкур сана муносабати билан Сўх туманидаги 5-сонли умумтаълим мактабида ҳам челленж ташкил этилди. Халқ депутатлари туман Кенгаши депутати Субҳонали Нишонов ўқувчиларга ўзбек тилининг тарихи, унинг аҳамияти, келажак авлоднинг унинг ривожидаги ўрни ҳақида тушунча берди.

“Адолат” СДП Фарғона  вилоят  Кенгаши

Матбуот хизмати.