Тошкент шаҳар партия ташкилотининг Олий Мажлисга йўлланган Мурожаатнома бўйичи йиғилиши бўлиб ўтди

«Адолат» СДП Тошкент шаҳар Кенгаши томонидан Халқ депутатлари Тошкент шаҳар ҳамда туман кенгаши депутатлари иштирокида Ўзбекистон Республикаси Президентининг Олий Мажлисга йўллаган навбатдаги Мурожаатномасига бағишланган йиғилиши бўлиб ўтди.

Йиғилишда партия ходимлари, депутатлар, «Ёшлар парламенти» аъзолари, Ёшлар ва Аёллар қанотлари, шунингдек, ОАВ вакиллари иштирок этишди.

Миробод туманидаги «Сиҳатгоҳ» профилакторий-санаторийсида ўтказилган йиғилишда дастлаб Президентимизнинг Олий Мажлисга Мурожаатномасида кўрсатилган вазифалар хусусида сўз борди. Бу ҳақда Халқ депутатлари Тошкент шаҳар Кенгаши депутати Тошпўлат Матибаев алоҳида нутқ сўзлади. Хусусан, Мурожаатномада илгари сурилган таклифлар юзасидан депутатларнинг келгусидаги вазифалари белгилаб олинди.

Шунингдек, йиғилиш кун тартибидан ўрин олган Тошкент шаҳар ҳамда туман кенгашларини офис бинолари билан таъминлаш, партия аъзоларининг бадал тушумлари, партия тадбирларига ҳомийларни жалб этиш каби ташкилий масалалар ҳам кўриб чиқилди.

Йиғилиш сўнгида барча иштирокчилар белгиланган ўз вазифалари ижросини сўзсиз таъминлашга келишиб олди.

Меҳринисо Якубова,

“Адолат” СДП Тошкент шаҳар Кенгаши матбуот котиби.