Янги ўқув биноси байрамга ва янги ўқув йилига туҳфа бўлди

Хива шаҳар 9-сон умумтаълим мактаби 840 нафар ўқувчига мўлжалланган бўлиб, 1520 нафар ўқувчи билим олиб келмоқда, синфхоналарнинг етишмовчилиги боис ўқувчиларнинг икки сменада ўқитилаётгани бир қатор қийинчиликларга сабаб бўлаётган эди.

Иккинчи сменада ўқиётган ўқувчилар қишнинг совуқли, ёғингарчиликли кунларида кечикиб уйга келиши ота-оналар, оила аъзоларини хавотирга  солиб келган.

Ушбу муаммолар юзасидан мактаб жамоасининг Хива туман Кенгаши депутати Мансурбек Маҳмудовга қилган мурожаати бесамар кетмади. Депутатнинг саъй-ҳаракатлари билан мактабда қўшимча яна 660 ўқувчига мўлжалланган замон талабларига мос янги ўқув бино қуриб битказилди ва  “Билимлар куни”да  анъанавий тасма кесилиб, янги ўқув бино тантанали очилди. Депутат М.Маҳмудов очилиш маросимида иштирок этди ва мактаб жамоасини, ўқувчиларни Мустақиллигимизнинг 30 йиллик шодиёнаси ҳамда  янги ўқув йилнинг бошлангани билан  қутлади. 

Ўқитувчи ва ўқувчилар янги ўқув биносида   бу галги  ўқув йилини ўзгача руҳ ва кўтаринкилик билан бошлашганини мамнуният билан изҳор этишди ва депутатни ташаккурнома билан тақдирлашди.

Бир сўз билан айтганда, партиямиз фаоллари, депутатларининг саъй-ҳаракатлари билан амалга оширилаётган бу каби ишлар, янги Ўзбекистонимизни, янгича дунёқараш билан барпо этишнинг ёрқин намоёндаси, деса бўлади.

                                                                                                      Замира АБДУЛЛАЕВА,

                                                                                                  Ўзбекистон “Адолат” СДП

                                                                            Хоразм вилоят Кенгаши матбуот котиби