Aholi murojaatlarining ijrosi–deputat faoliyatiga tutilgan ko‘zgudir

Koʻpchilikni tashvishga solayotgan muammolarga partiyaviy vositalar bilan yechim topayotgan, el dardini oʻz dardi, deb bilgan xalq noiblari saylovchilar ishonchini qozona olishadi.

“Adolat” SDP Sirdaryo viloyat Kengashi deputati Jamol Komilov, Guliston shahar Kengashi deputati Erkin Abduraxmanov hamrohligida “Deputatning bir kuni” loyihasi doirasida oʻz saylov okrugi Guliston shahar “Obod yurt”MFY binosida fuqarolar murojaatlarini qabul qildi. Mahalla beshligi ishtirokida fuqarolar tomonidan 10 dan ortiq murojaat kelib tushdi, jumladan: koʻp qavatli uylarning tom va kanalizatsiya tizimi, boshqaruv servis korxonalari yuzasidan,davolanish uchun order olish, subsidiya va tadbirkorlik masalalarida murojaatlar kelib tushdi.

Koʻp qavatli uylarning tom va kanalizatsiya tizimi, boshqaruv servis korxonalari yuzasidan shu hududga xizmat qiluvchi “Omad muruvvat”MChJ rahbari Zafar Abdulakimov tomonidan muammolar bartaraf qilinishi boʻyicha maʼlumot berib oʻtildi. Subsidiya va tadbirkorlik yuzasidan xokim yordamchisi Sarvar Xayitmamatov tomonidan fuqarolarga maʼlumot berildi.

“Adolat” SDP Sirdaryo viloyat kengashi
matbuot xizmati