Bolalarni zoʻravonliklardan himoyalash –bugunning talabi

Partiyaning Qumqoʻrgʻon tuman Kengashi tomonidan tumandagi 2-sonli umumtaʼlim maktabi faollar zalida “Bolalarni zoʻravonliklarning barcha shakllaridan himoya qilish toʻgʻrisida”gi Oʻzbekiston Respublikasi qonun loyihasi muhokamasiga bagʻishlangan tadbir boʻlib oʻtdi.

Tadbirda partiyaning Qumqoʻrgʻon tuman Kengashi vakillari, deputatlar, BPT faollari, 2-sonli maktab pedagog oʻqituvchilari va oʻquvchilar ishtirok etishdi.

Tadbirda maʼruza qilganlar bolalar huquqlari himoyasini mustahkamlash, xususan ularni zoʻravonlikning barcha shakllaridan himoya qilish, bu borada qabul qilinayotgan qonun loyihasini takomillashtirish borasida olib borilayotgan ishlar yuzasidan tushuntirishlar berishdi.

Bu borada Oʻzbekiston mustaqillikka erishgach xalqaro hujjatlar ichida birinchilardan boʻlib “Bola huquqlari toʻgʻrisida”gi Konvensiyani ratifikatsiya qilganini, oʻtgan davr mobaynida milliy qonunchiligimiz ham xalqaro standartlarga moslashtirilayotganini alohida taʼkidladilar.

Shuningdek, soʻnggi yillarda amalga oshirilayotgan keng koʻlamli islohotlar qatorida bola huquqlari va qonuniy manfaatlari himoyasi sohasida ham tub oʻzgarishlar amalga oshirilganini, xususan, Prezidentimizning qatʼiy siyosiy irodasi bilan mamlakatimizda majburiy mehnatga, bolalar mehnatiga butkul barham berilganini, bunday holatlarga nisbatan davlatda ham, jamiyatda ham murosasiz munosabat shakllanganini aytib oʻtildi.

Bahodir Choriyev, Qumqoʻrgʻon tuman IIB xodimi, leytenant, tadbir ishtirokchisi:

Davra suhbatida ishtirokchilar tomonidan hali hanuzgacha ayrim holatlarda bolalar ham jismoniy, ham psixologik tazyiq va zoʻravonliklarga duch kelayotgani, ularning huquqlari poymol boʻlayotgani, bu kabi holatlarni toʻliq bartaraf etish yuzasidan qonunchilikda yangi normalarni joriy etishga zarurat sezilayotgani aytib oʻtildi. Shuningdek, ishtirokchilar “Bolalarni zoʻravonlikning barcha shakllaridan himoya qilish toʻgʻrisida”gi qonun loyihasi va qonunda aks ettirish lozim boʻlgan normalar haqida oʻz takliflarini bildirdi. Taʼkidlanganidek, zoʻravonlikni toʻxtatish boʻyicha maxsus qonunning qabul qilinishi Oʻzbekiston Jinoyat kodeksiga kiritilgan oʻzgartishlarga mos keladi, bu esa, oʻz navbatida, qizlar, oʻgʻil bolalar va ayollarni zoʻravonlikdan huquqiy himoya qilishni kuchaytiradi. Bundan tashqari, qonun loyihasi zoʻravonlikning oldini olish va unga qarshi kurashish boʻyicha koʻp tarmoqli xizmatlarni rivojlantirish va amalga oshirishni taʼminlaydi.

Tadbir soʻnggida ishtirokchilar oʻzlarini qiziqtirgan savollariga tegishlicha javob olishdilar.

Dilafroʻz Rahmatova,
“Adolat” SDP
Surxondaryo viloyat Kengashi mafkuraviy ishlar boʻyicha bosh mutaxassisi