Bolangizga munosabatingiz qanday?

Yuqoridagi savol birdan sizga yoqmasligi mumkin. Sababi ota-ona borki oʻz farzandini ardoqlaydi, avaylaydi. Biroq keyingi vaqtda ijtimoiy tarmoqlarda oʻz farzandiga zoʻravonlik qilayotgan ota-onalar haqida ham xabarlar tarqaldiki, bunga shunchaki qarab boʻlmaydi.

Oʻzbekiston “Adolat” SDP Marhamat tuman kengashi tomonidan 2-son kasb-hunar maktabida tashkil etilgan davra suhbati oldiga yuqoridagi illatga qarshi kurashish vazifasi qoʻyildi. Unda partiya faollari, mahalliy kengash deputatlari va huquq-tartibot xodimlari ishtirok etdi.

Dastlab tadbir qatnashchilari hozirda jamoatchilik muhokamasida boʻlgan   “Bolalarni zoʻravonliklarning barcha shakllaridan himoya qilish toʻgʻrisida”gi qonun loyihasi bilan tanishtirildi. Uning mazmuni va koʻzda tutilgan vazifalar atroflicha tushuntirildi.

Abliyor Qorayev, Oʻzbekiston “Adolat” SDP Marhamat tumani kengashi raisi:

-Qonun loyihasi oʻz vaqtida ishlab chiqildi. Bu masalaga birinchi navbatda oiladan eʼtiborni kuchaytirish lozim. Agar bola oʻz oilasida erkin boʻlmasa. unga zoʻravonlik qilinsa tashqaridagi munosabat buning oldida oddiy holga aylanadi. Qonun loyihasida shunday holat kuzatilganda bolaga berilayotgan huquq va himoya choralari juda oʻrinli. Biz bugun faollarimiz bilan mavzu doirasida suhbatlashdik. Endigi vazifa jamoatchilik orasida targʻibot ishlarini olib borish.

Davra suhbati yakunida huquqshunoslar tomonidan ishtirokchilarni mavzu yuzasidan qiziqtirgan savollariga javob berildi.

“Adolat” SDP Andijon viloyati kengashi

Matbuot xizmati.