“Deputat va yoshlar” uchrashuvi tashkil qilindi

“Adolat” SDP Sirdaryo viloyat Kengashi raisi,  viloyat Kengashi deputati Jamol Komilov, Guliston shahar Kengashi deputati Erkin Abduraxmanov bilan Guliston shahar “Obod yurt” MFYda joylashgan  8-umumta’lim maktabida  “Deputat va yoshlar” uchrashuvi tashkil qilindi.

Uchrashuv davomida deputat tomonidan yoshlarga yangi tahrirda qabul qilingan Konstitutsiyaning o’zgartirish va qo’shimchalar kiritilganligi haqida aytib o’tdi. Yangi tahrirdagi konstitutsiyada inson qadr-qimmati, sha’ni hamma narsadan ustun qo’yilganligi, 14-bobning qo’shilishi va uning “Oila, bolalar va yoshlar” deb atalashi hamda “Bolalarni  zo’ravonlikning barcha shakllaridan himoya qilish to’g’risida”gi qonun yuzasidan o’quvchi yoshlarga huquqiy ma’lumot berib o’tildi.

Suhbat so’nggida hokim yordamchisi tomonidan tadbirkorlik qilish istagida bo’lgan yoshlarga berilayotgan imtiyozlar va kreditlar berilishi tartibi to’g’risida batafsil ma’lumot berildi. 

"Adolat" SDP Sirdaryo viloyat Kengashi
matbuot xizmati.