Inson qadri uchun- hamisha harakatdamiz

14 – noyabr Qandli diabetga qarshi kurash kuni munosabati bilan Fargʻona shahar Dehqon Bozori hududida Fargʻona viloyat Endokrinologiya dispanseri, “Adolat” SDP Fargʻona viloyat Kengashi hamkorligida “ Inson qadri uchun” milliy gʻoya asosida targʻibot tadbirlari tashkil etildi.

Loyiha doirasida yoshi 40 yoshdan katta boʻlgan 150 nafar fuqarolardan qandli diabet kasalligi tekshirish uchun qon tahlillari olindi.

Dispanser bosh shifokori Nigora Ibrohimova boshchiligidagi shifokorlar tomonidan kasallikni keltirib chiqaruvi omillar haqida maʼlumotlar berilib, sogʻlom ovqatlanishga amal qilish va ortiqcha vazndan oʻzini asrash uchun zarur tavsiyalar berildi.

“Adolat” SDP Fargʻona viloyat Kengashi raisi Shahnoza Gʻaniyeva boshchiligidagi Yosh adolatchilar qanoati aʼzolari tomonidan bozor hududida tadbirkorlik faoliyati bilan shugʻullanayotgan tadbirkorlar va yuzlab fuqarolarga qandli diabetni oldini olishga qaratilgan bukletlar tarqatildi.    

Bu kabi tadbirlar Qoʻqon va Margʻilon shaharlarida hamda Oltiariq tumanida ham tashkil etilib, jami 600 nafar fuqarolar salomatligi nazoratdan oʻtkazildi.

“Adolat” SDP

Farg’ona viloyat kengashi Matbuot xizmati.