Kogon shahrida “Konstitutsiya bilimdoni” aniqlandi

Kogon shahridagi kasb-hunar maktabida Konstitutsiyamiz qabul qilinganining 31 yilligiga bagʻishlangan “Konstitutsiya bilimdoni” koʻrik-tanlovining shahar bosqichi boʻlib oʻtdi. Oʻzbekiston “Adolat” SDPning “Vatan kelajagi yoshlar qoʻlida” loyihasi doirasida tashkil etilgan mazkur tadbirda partiya shahar Kengashi raisi Zarnigor Tosheva, xalq deputatlari Kogon shahar Kengashi deputatlari, partiya faollari, “Yosh adolatchilar” qanoti aʼzolari, va mazkur maktabning oʻquvchilari ishtirok etishdi.

Barkamol avlod mamlakatimiz kelajagining hal qiluvchi kuchidir. Shu sababli yurtimizda yoshlarni har tomonlama yetuk farzand etib tarbiyalash, ularning huquqiy savodxonligini oshirish va jamiyatda huquqiy madaniyatni yuksaltirishga alohida eʼtibor qaratilmoqda.

Taʼkidlash joizki, yoshlarning huquqiy madaniyatini shakllantirishda, eng avvalo, Oʻzbekiston Respublikasi Konstitutsiyasi va qonunlarini bilish, ularga amal qilish muhim ahamiyatga ega. Partiyamiz tomonidan anʼanaviy oʻtkazib kelinayotgan “Konstitutsiya bilimdoni” koʻrik-tanlovi ham ayni shu maqsadlarni oʻzida mujassam etadi.

Koʻrik-tanlov ishtirokchilari oʻz chiqishlarida Konstitutsiya va qonunlarni bilgan kishi oʻz xatti-harakatini qonun doirasida amalga oshirishini, boshqalarning hamda jamiyat va davlatning huquq va erkini hurmat qilishini qayd etishdi.

Yakuniy natijalarga koʻra ishtirokchilar 1, 2, 3-darajali diplomlarga sazovor boʻlishdi. Shuningdek, boshqa ishtirokchilar ham partiyaning faxriy yorliqlari, esdalik sovgʻalari bilan taqdirlandilar.

Mohigul Rahimqulova,

“Adolat” SDP Buxoro viloyat Kengashi matbuot kotibi.