“Konstitutsiya bilimdonlari” bellashishdi

“Adolat” sotsial-demokratik partiyasi tomonidan oʻquvchi-yoshlarning huquqiy bilimlarini oshirish, Oʻzbekiston Respublikasi Konstitutsiyasining mazmun-mohiyatini puxta oʻrgatish, uning insonparvarlik, demokratik va adolatparvarlik tamoyillarini keng targʻib etish maqsadida har yili anʼanaviy tarzda “Konstitutsiya bilimdoni” koʻrik tanlovi oʻtkazib kelinmoqda.

Joriy yil ham Oʻzbekiston Respublikasi Konstitutsiyasi qabul qilinganligining 31 yilligi munosabati bilan Respublika miqyosida mazkur koʻrik tanlov tashkil etildi. Bugun Jizzax viloyatining Mirzachoʻl tuman Kengashi tomonidan mazkur tanlovning tuman bosqichi boʻlib oʻtdi.

Tanlovda ishtirokchilar 3 ta shart asosida oʻz bilimlarini namoyon etishib, Bosh qomusimizning insonparvarlik, demokratik va adolatparvarlik tamoyillarini yozma ishlarda, tasviriy asarlarda, koʻrgazmali vositalarda ifodalab berishdi.

Tanlov hayʼati tomonidan har bir qatnashchilar belgilangan mezonlar asosida, adolatli ravishda baholanib borildi.

Tanlov gʻolibi partiyaning diplom va esdalik sovgʻalarini qoʻlga kiritib tanlovning viloyat bosqichiga yoʻllanmani qoʻlga kiritdi.  

“Adolat” SDP Jizzax viloyat Kengashi

Matbuot xizmati.