Maqsad — kasalliklarning oldini olish

     Oʻzbekiston “Adolat” SDP Andijon tuman kengashi safidagi tibbiyot xodimlaridan iborat “adolatchilar” aholi salomatligini mustahkamlash barobarida sogʻlom turmush tarzi va tozalik bilan salomatlik sari shiori ostida jamoatchilik orasida targʻibot ishlarini olib bormoqda. Zero, har qanday kasallikni davolagandan koʻra, uning oldini oʻz vaqtida olgan afzal.

     Tumandagi koʻp tarmoqli Markaziy poliklinikada “Tozalik yoʻlida birlashaylik!” loyihasi doirasida tashkil etilgan tadbirda mazkur muassasadagi BPT aʼzolari faollik koʻrsatdilar. Bir guruh “adolatchilar” MFYlarda tozalik va inson salomatligi mavzusida davra suhbatlari tashkil etdi. Yana bir guruh safdoshlarimiz poliklinika hududini chiqindilardan tozalash ishlarini olib borishdi.

     Nilufar Qosimova, BPT yetakchisi:

- Maqsadimiz — aholi, ayniqsa, yoshlar oʻrtasida ekologik madaniyatni shakllantirish, maishiy chiqindilarni belgilangan joylarga chiqarib toʻkishni oʻrgatish. Xalqimizda: “Tozalik bor joyda baraka boʻladi”, degan naql bor. Aksariyat kasalliklar nosogʻlom muhit va tozalikka rioya qilmaslik natijasida kelib chiqadi. Agar masalaga eʼtiborli boʻlsak, sogʻlom turmush tarzi va salomatlikka erishamiz.

“Adolat” SDP Andijon viloyat kengashi

Matbuot xizmati.