Qandli diabetga qarshi birga kurashamiz

Chirchiq shahridagi olimpiya va paralimpiya zaxiralar kollejida “Adolat” SDP Toshkent viloyati Kengashi vakillari hamda kollej maʼmuriyati hamkorligida oʻtkazilgan tadbir qandli diabetga qarshi kurash kuniga bagʻishlandi

Tadbirda Oʻzbekiston “Adolat” SDP Toshkent viloyati Kengashi risi Farmon Allayev, partiya faollari, kollej tibbiyot xodimlari, kollej oʻquvchilari hamda, murabbiy va oʻqituvchilar ishtirok etishdi.

Soha mutaxassislari tomonidan tadbir ishtirokchilariga yurak qontomir kasalliklari, qandli diabet kabi yuqumli boʻlmagan kasalliklar butun dunyoda nogironlik darajasini ortishiga va bevaqt oʻlimlar soni koʻpayishiga sabab boʻlayotgani, bu kasalliklarning kelib chiqishiga yuqori qon bosimi, qondagi xolesterinning yuqori darajasi, ortiqcha tana vazni, meva va sabzavotlarni yetarlicha isteʼmol qilmaslik va jismoniy faollikni sustlashishi kabi xavfli omillar keltirib chiqarayotgani, qandli diabet va uning asoratlari, davolash usullari haqida tushunchalar berishdi.

Bir soʻz bilan aytganda, Diabet oyligini oʻtkazishdan maqsad — insonlarga qandli diabet, uning xavfli omillari haqida, erta tashxis quyish, asoratlarni oldini olish haqida koʻproq maʼlumot berib, aholini “diabetga qarshi kurash“ga chaqirishdir.

Diabet oyligi tadbirlari viloyatning barcha tumanlarida oʻtkazilmoqda.

“Adolat” SDP Toshkent viloyati Kengashi Matbuot xizmati.