Qulay imkoniyat

     Oʻzbekiston “Adolat” SDP Qoraqalpogʻiston Respublikasi Kengashi tomonidan Nukus shahridagi Qoraqalpogʻiston Respublikasi Pedagoglarni yangi metodikalarga oʻrgatish milliy markazida partiyamiz elektorati vakillari hisoblangan pedagog xodimlar orasida “Siz qondagi qand miqdorini aniqladingizmi” aksiyasi tashkil etildi.

     Qandli diabet xalqimiz orasida keng tarqalgan kasalliklardan biri. Shu sababli, bu kasallik boʻyicha tibbiy profilaktika ishlarini yanada kuchaytirish, xalqning tibbiy bilimi va madaniyatini orttirish, toʻgʻri tashxis qoʻyish va aniqlangan kasallikni davolash samaradorligini oshirish boʻyicha targʻibot-tashviqot ishlarini olib borish bugungi kunning muhim vazifalaridan biri.

     Partiya tomonidan oʻtkazilgan tadbirda ushbu muammolarga alohida eʼtibor qaratildi. Shu jumladan markazda oʻz bilimlarini oshirayotgan partiya elektorati vakillari hisoblangan oʻqituvchilarning qondagi qand miqdorini bepul aniqlash imkoniyati yaratildi. Respublika endokrinologiya ilmiy amaliy markazi tibbiyot xodimlari, partiya vakillari bilan birgalikda aksiyada faol qatnashdi.

     Bunday tadbirlar aholi oʻrtasida qandli diabetga chalinishning oldini olishga qulay imkoniyat yaratadi.

 “Adolat” SDP

Qoraqalpogʻiston Respublikasi Kengashi

Matbuot xizmati.