Romitanlik Konstitutsiya bilimdonlari

Oʻzbekiston “Adolat” SDP Romitan Kengashi tomonidan “Vatan kelajagi yoshlar qoʻlida” loyihasi doirasida “Konstitutsiya bilimdoni” koʻrik tanlovi oʻtkazildi.

Tanlovda mahalliy Kengash deputatlari O.Islamova, L.Avezova, O.Ismatov, “Adolat” SDP Romitan tuman Kengashi faollari, tuman xalq taʼlimi boʻlimi metodisti A.Safarov, “Yosh adolatchilar” qanoti aʼzolari va kasb hunar maktabi oʻquvchilari ishtirok etishdi.

Koʻrik-tanlov yoshlarning huquqiy va siyosiy bilimlari, ongi va madaniyatini yuksaltirish, ularni Oʻzbekiston Respublikasi Konstitutsiyasi va amaldagi boshqa qonun hujjatlariga hurmat ruhida tarbiyalash, yoshlarga erkin fikrlash qobiliyati va nutq madaniyatini oʻstirish, ularning faol fuqarolik pozitsiyasini yanada mustahkamlash, ularda Vatanga muhabbat, kelajakka ishonch ruhini shakllantirish, iqtidorli yoshlarni aniqlash va ragʻbatlantirish hamda “Adolat” SDP dasturiy maqsad va vazifalarini targʻib qilish maqsadida tashkil etildi.
Partiya aʼzolarida koʻrik-tanlov yoshlarning huquqiy va siyosiy bilimlari, ongi va madaniyatini yuksaltirish maqsadida 6 nafar ishtirokchilarning bellashuvga tayyor holatda tashrif buyurganliklarini maʼlum qilishdi va ularni birma-bir tanishtirib o'tishdi.

Ishtirokchilar shartlarni bajarar ekan, hakamlar hay'ati a'zolari tomonidan ularga 5 ballik tizimda baho qo'yib borildi.  Har bir shart boʻyicha oʻz chiqishlarini yakunlagan ishtirokchilarga hakamlar hay'ati a'zolari o'z tavsiyalaruni berib o'tdilar. Ishtirokchilarni jami yigʻgan ballari boʻyicha 1-2-3-oʻrinlarni egallagan gʻoliblar aniqlandi va eng yuqori ball toʻplagan kasb hunar maktabining oʻquvchisi Qudratov Ozodbek  gʻolib deb topildi va  partiyaning esdalik sovgʻalari topshirildi.

Raxmatillo Xaitov,
“Adolat” SDP Romitan tuman Kengashi raisi.