Sogʻlom farzandlar Yangi Oʻzbekistonning kelajagi

Xalqimiz azal-azaldan ertangi kunning egalari-farzandlar tarbiyasiga alohida eʼtibor qaratib kelgan. Bugun bu masala har qachongidan ham teran mazmun kasb etmoqda. Oʻsib kelayotgan yosh avlodning jismoniy, aqliy va maʼnaviy jihatdan barkamol rivojlanishi uchun qulay shart-sharoitlar yaratilishi amalga oshirilayotgan kuchli ijtimoiy siyosatning oʻziga xos xususiyatlaridan biri hisoblanadi. Zotan, Davlatimiz rahbari taʼkidlaganlaridek, kelajak avlod haqida qaygʻurish, sogʻlom, barkamol naslni tarbiyalab yetishtirishga intilish bizning milliy xususiyatlarimizdan.

Oʻzbekiston “Adolat” SDP tomonidan bu borada sezilarli ishlar amalga oshirilayotgani bejiz emas. Partiyaning Andijon viloyati kengashi tashabbusi bilan kelajagimiz egalarini sogʻlom va barkamol insonlar qilib tarbiyalash, sportga jalb etish borasida oʻtkazilayotgan tadbirlar yigit-qizlarda qiziqish uygʻotmoqda.

“Farzandlari sogʻlom yurt qudratli boʻlur” loyihasi doirasida Andijon shahridagi 11-maktabda dzyudo boʻyicha oʻtkazilgan musobaqa oʻziga xos sport bayramiga aylandi. Partiya faoli Shohabbos Musayev rahbarligidagi qoʻlida “Adolat” bayrogʻini tutgan yosh sportchilar maydonda saf tortgach respublikamizda Yoshlar siyosati borasida amalga oshirilayotgan islohotlar, sportning inson salomatligida tutgan oʻrni haqida soʻz bordi.

Shundan soʻng yosh dzyudochilar bellashuvi qizgʻin tus oldi. Darsdan boʻsh vaqtlarida sport bilan shugʻullanayotgan bolajonlarning harakatlari havas qilarli. Ular orasidan kelgusida Jahon chempionlari yetishib chiqsa ajab emas. Zero, farzandlarimizning sogʻlom va barkamol voyaga yetishi farovon kelajagimiz poydevorini mustahkamlashga xizmat qiladi. Yangi Oʻzbekiston ular bilan yanada rivojlanadi.

“Adolat” SDP Andijon viloyati kengashi

Matbuot xizmati.