Unutmas meni bogʻim...

Bargdek uzilib ketsam,
Unutmas meni bogʻim.
Ishimni hurmat qilur,
Gullardan haykal qurur.
Ming yillardan keyin ham
Unutmas meni bogʻim!

“Usmon sheʼriyatimizga shamolday kirib keldi. Balki boʻronday! U shunday toʻlqin bilan keldiki, uncha-muncha sheʼriy uslub va ijodni toʻs-toʻs qilib yubordi. Uni oʻzimizda “Oʻzbekning Lermontovi”, Moskva gazetalarida “Sharqda Pushkin paydo boʻldi”, deb yozishdi”, — degan edi xalq shoiri Turob Toʻla.
Kosonsoy tumanidagi  Abu Ali ibn Sino nomli Jamoat salomatligi texnikumida otashin shoir, Namanganning faxri boʻlmish Usmon Nosir tavalludning 111 yilligiga bagʻishlangan adabiy kecha boʻlib oʻtdi.

Respublika maʼnaviyat va maʼrifat markazi tuman boʻlinmasi tashabbusi bilan oʻtkazilgan ushbu tadbirda boʻlinma rahbari Dilshod Isoqov, “Adolat” SDP viloyat kengashi matbuot kotibi, Oʻzbekiston Jurnalistlar uyushmasi aʼzosi Muhiddin Imomadiyev, Xalqaro Turon yozuvchilar uyushmasi aʼzosi, shoira Nasiba Dilroz, ijodkorlar targʻibotchisi Aʼzamjon Mamajonov, xonanda Abdunabi Mamajonovlar ishtirok  etib, shoir Usmon Nosirning hayoti va ijodi haqida batafsil toʻxtalib oʻtdilar.

Shoir ijodidan namunalar va kuy-qoʻshiqlar ijro etilgan ushbu adabiy kecha tadbir ishtirokchilarida katta taassurot qoldirdi.

“Adolat” SDP
Namangan viloyat Kengashi Matbuot xizmati.