1-oktyabr – Oʻqituvchi va murabbiylar kuni

Taraqqiyotning tamal toshi, mamlakatni qudratli, millatni buyuk qiladigan kuch bilm,fan, taʼlim va tarbiyadir. Ertangi kunimiz, Vatanimizning yorugʻ istiqboli, birinchi navbatda, taʼlim tizimi va farzandlarimizga berilayotgan tarbiyamiz bilan chambarchas bogʻliqdir.

Barchamiz yaxshi bilamizki, insonning ongi va dunyoqarashi, fikri oʻzgarmasa, jamiyat oʻzgarmaydi. Jamiyat oʻzgarmagan joyda hech qanday ijobiy natija ham taraqqiyot ham boʻlmaydi. Odamlarning ongi tafakkurini oʻzgartiruvchi kuch esa, hech shubhasiz, avvalo, oʻqituvchi-murabbiylardir.

Xalqimiz hamisha ustozlarni eʼzozlab, ularning hurmat-izzatini joyiga qoʻyib kelgan.

“Ustoz ota kabi ulugʻ” degan hikmatli naql ham bejiz aytilmagan. Bugungi kunda shu soʻzlar qogʻozda emas, amalda qaror topmoqda. Jamiyatimizda oʻqituvchi-muallimning qadr-qimmati, qaddi, shaʼni va gʻururi tiklanayotgani barchamizni quvontirmoqda.

Millionlab farzandlarimiz qalbiga ilm-fan ziyosini singdirib, ularni el-yurtga munosib insonlar etib tarbiyalayotgan zahmatkash va olijanob ustozlarimizga Oʻzbekiston “Adolat” SDP Xalq deputatlari Chirchiq shahar Kengashi deputatlari, kasaba uyushmasi shahar boʻlinmasi Kengashi tomonidan 1-oktyabr — Oʻqituvchi va murabbiylar kuni arafasida madaniy-maʼrifiy tadbiri tashkil etildi va 60 nafar fidoiy ustozlarimizga “Tashakkurnoma”lar va esdalik Oʻzbekiston “Adolat” SDP Xalq deputatlari Chirchiq shahar Kengashi deputati Oʻtkir Tadjiboyev tomonidan taqdim etildi.

 “Adolat” SDP Toshkent viloyati Kengashi Matbuot xizmati.