14- noyabr Butun dunyo diabetga qarshi kurash kuni

Jahon sogʻliqni saqlash tashkiloti maʼlumotlariga qaraganda hozirgi kunda dunyoda 500 milliondan ortiq odam qandli diabet kasalligiga chalingan. Afsuski, raqamlar ortida murgʻak goʻdaklar ham borligi achinarli holat.

Kun kun munosabati bilan Fargʻona shahridagi Qoʻgʻirchoq teatrida sport, rassomchilik, dizaynerlik sohalarida yuqori natijalarga erishib kelayotgan eng faol oʻgʻil qizlar va kasallikka chalingan bemor bolalar va ularning ota-onalari ishtirokida targʻibot tadbiri tashkil etildi.

Unda Fargʻona viloyat Endokrinologiya dispanseri bosh shifokori Nigoraxon Ibrohimova, “Adolat” SDP Fargʻona viloyat Kengashi raisi Shahnoza Gʻaniyevalar mamlakatimizda vatan kelajagi boʻlgan yoshlarni salomatligini muhofaza qilishga qaratilgan islohotlar va xasta bemorlarni sogʻlom hayotga qaytarish yoʻlida olib borilayotgan ishlar haqida qisqacha toʻxtalib oʻtdilar.

Tadbir davomida oʻzining yuqori natijalari bilan barchaga ibrat boʻlib kelayotgan yoshlar partiya tomonidan esdalik sovgʻalari bilan taqdirlandilar.

Shundan soʻng, teatr jamoasi tomonidan bolajonlar uchun “Laylakcha va Qoʻriqchi” spektaklni namoyish etildi.

“Adolat” SDP

Farg’ona viloyat kengashi Matbuot xizmati.