Aʼlochi oʻquvchilar munosib taqdirlandi

Quvasoy shaharidagi 25-umumtaʼlim maktabida ham “Ilmni qadrlang, ilmga intiling!” shiori ostida soʻnggi qoʻngʻiroq tadbir boʻlib oʻtdi. Tantanali tadbirda Xalq deputatlari Quvasoy shahar kengashi deputati Moʻsinjon Mehmonov mustaqil hayot ostonasiga qadam qoʻyayotgan yoshlarni quvonchli onlari bilan qutlar ekan, oʻzlari tanlagan oliygohlarga oʻqishga kirib, tanlagan kasb- korlarini puxta egallagan holda yurt yurtga munosib farzand boʻlib kamol topishlarini tiladi va eng faol va aʼlochi oʻquvchilarga pul mukofotlarini topshirdi. Deputat kelgusida bitiruvchilar orasida oliygohlarga toʻlov shartnomasi asosida oʻqishga qabul qilingan barcha oʻquvchilarni toʻlov kontraktlarini homiylik asosida toʻlab berishlarini taʼkidlab oʻtdi. Bu barcha maktab jamoasini, ota –onalar va bitiruvchi yoshlarni quvontirib yubordi. Oʻz navbatida ishtirokchilar bu eʼtibor uchun minnatdorliklarini bildirar ekanlar, yoshlarni quvvatlovchi fidoiy insonlar safi koʻpayishini tiladilar.

Bayram tadbiri goʻzal kuy qoʻshiqlar, raqslar bilan bitiruvchi yoshlarni hayotidagi eng unutilmas lahzalarga aylandi.

“Adolat” SDP

Farg’ona viloyat kengashi Matbuot xizmati.