Adolat barchamizni yagona maqsad yoʻlida birlashtirmoqda

“Adolat” SDP Furqat tumani Kengashi tomonidan hamkor tashkilotlar bilan birgalikda tumandagi “Shoimbek” mahalla fuqarolar yigʻini hududida joylashgan Shoimbek oilaviy shifokorlik punktida “Sogʻlom turmush tarzi yoʻlida birlashaylik!” loyihasi doirasida tadbir oʻtkazildi.

Tadbirda shifokorlik punktida olib borilayotgan tibbiy хxizmatlar holati yuzasidan partiyaning jamoat nazorati oʻtkazildi. Tibbiy xizmat sifati va shifokorlarning fuqarolar bilan muomala madaniyati borasida davolanish uchun kelgan fuqarolar bilan suhbat qurildi.

— Oilaviy shifokorlik punktimiz 6 mingdan ortiq aholiga tibbiy xizmat koʻrsatadi, 3 nafar malakali shifokorlar va 18 nafar hamshiralarimiz bor. Aholini tibbiy madaniyatini oshirish, sogʻlom turmush tarziga amal qilish, kasalliklarni oldini olish maqsadida mahalla aholisi bilan muloqotlar oʻtkazib turamiz, xonadonlarda va punktimiz kelgan mahalla aholisiga tushuntirish- targʻibot ishlarini olib boramiz. 3 nafar yolgʻiz keksalarimiz doimiy nazoratimizda, deydi shifokor Mohirahon Joʻraeva biz bilan suhbatda.

-Xalqimizni sogʻligʻini muhofaza qilish yoʻlida bor bilimimiz va tajribamizni ishga solib, duolarini olib yuribmiz.

Suhbat davomida “Adolat”SDP Furqat tumani Kengashi raisi Nodirjon Olimov tibbiyot xodimlarini partiyaning Saylovoldi dasturining maqsad –vazifalari bilan ham tanishtirdi. 5 nafar tibbiyot xodimlari shu kuni partiyaga aʼzo boʻlish istagini bildirib, ariza berdilar. Albatta maqsadimiz yagona. Inson qadri ulugʻlangan yurtda yashar ekanmiz, adolat har bir inson uchun shukronalik hislarini tortiq etsin.