“Adolat”chilar safi kengaymoqda

 “Adolat” har bir inson uchun! Bu bizning hayotiy shiorimizga aylanib qolgan, — deydi Soʻx tumani tibbiyot birlashmasi hamshirasi Muyassarxon Arslonova. —   Oʻzbekiston “Adolat” SDP saylov oldi dasturlari bilan batafsil tanishib chiqqan holda partiya safida boʻlish istagini bildirganlar koʻpchilikni tashkil qiladi. Ijtimoiy adolat hukm surgan yerda albatta taraqqiyot boʻladi.

Biz shuni ayta olamizki, partiyaga aʼzo boʻlasan-u, aʼzolik badalini toʻlaysan boʻldi, deganlar gaplar xato ekan. “Adolat” SDP tuman Kengashi raisi S. Dommullayev va tuman Kengashi deputatlari biz bilan tez-tez uchrashib turadilar. Nafaqat ish faoliyatimizga doir, balki shaxsiy muammolarimizni hal etishda ham koʻp yordam koʻrsatishadi. Huquqiy – ijtimoiy masalalarda ham bizga yaqin koʻmakchiga aylanib qolganlar.

Boshlangʻich partiya tashkilotimizga aʼzo boʻlish istagini bildirgan 10 nafar tibbiyot xodimlarimiz saflarimizga qoʻshilishi ham tantanaga aylanib ketdi. Partiya faxri sifatida menga topshirilgan tashakkurnoma esa meni yanada gʻururimni oshiradi. Ishonchimizni oqlayotgan partiya safida boʻlish biz uchun faxrga aylanib borayotganidan baxtiyormiz.

    “Adolat” SDP Fargʻona viloyat Kengashi Matbuot xizmati.