“Adolat”dan adolat topib....

Men Qoʻqon shahridagi “ Gʻishtli masjid” MFY, Turon koʻchasida joylashgan oilaviy yotoqxonada istiqomat qilaman. Uzoq yillardan beri qon bosimim ortadi, qand kasalini ham orttirib olganman. Muttasil dard bilan kurashib kelaman. Yotib yeganga togʻ ham chidamaydi, deyishadi. Topgan pulim sogʻligʻimdan ortmaydi. Hatto, oxirgi kunlarda dori-darmonimga ham pulim qolmadi. Agar navbatdagi davolanish muolajalarini olmasam dardim kuchayib ketardi. Yordam soʻrab borsang, hamma ham seni quchoq ochib xursandchilik bilan kutib olmaydi. Najot izlab qiynaldim. Oxiri bir doʻstim, “Sen yaxshisi, Adolatdan adolatni izla, najot topasan” deb maslahat berdi. Men “Adolat” SDP shahar Kengashi raisi Azizbek Ahmadjonovni qabuliga bordim. Samimiy inson ekan. Shahar sogʻliqni saqlash boʻlimi rahbarlari bilan telefon orqali bogʻlanib, yordam berishlarini iltimos qildi. Boʻlarkan-ku, dedim. Shifokorlar shu kunni oʻzida meni bepul tibbiy koʻrikdan oʻtkazib, zarur dori-darmonlar bilan taʼminladilar. Juda xursand boʻldim. Inson qadri ulugʻlash degani shunday boʻlibdi. Adolatchilarga rahmat.

                        Ehsonjon Sobirov,

                          Qoʻqon shahri.