“Adolat-inson qadri uchun”

“Oʻzbekiston –inson qadri ulugʻlangan yurt” loyihasi doirasida “Adolat” SDP Buxoro viloyatning tuman-shahar Kengash raislari, deputatlari hamda faollari tomonidan bir qator tadbirlar olib borilmoqda. Mana shunday tadbirlardan yana biri  Kogon shahrida joylashgan 2-maktabda “Adolat-inson qadri uchun” shiori ostida boʻlib oʻtdi.Uchrashuvda Kogon shahar Kengashi raisi M.Hamroyeva, Kogon shahar deputati SH. Isamutdinov va mazkur maktabning pedagog xodimlari ishtirok etishdi. Kogon shahar deputati Sh. Isamutdinov soʻzga chiqib, Bugungi kunda mamlakatimizning xalqimiz manfaatlari koʻzlangan har bir jabhasida ulkan oʻzgarishlar, islohotlar amalga oshirilayotganligini. ayniqsa bosh qomusimizga kiritilgan oʻzgartirish va qoʻshimchalar shu bilan birga yangi moddalarning qoʻshilayotganligi bular barchasi inson qadri uchun qilinayotgan ishlar ekanligini taʼkidladi.

Xulosa oʻrnida shuni aytish mumkinki, inson huquqlari hamma davrlarda diqqat markazida boʻlib kelgan. Har doim insonlar oʻz shaʼni va qadr-qimmati uchun kurash olib borgan.

Mohigul Rahimqulova,

“Adolat” SDP Buxoro viloyat Kengashi matbuot kotibi.