“Adolat”ning olima ayollari izlanishda

Jamiyatda har sohada xotin-qizlarning roli ortib bormoqda. Ilm-fan rivojini ham ularning ishtirokisiz tasavvur etib boʻlmaydi. Shu maʼnoda olima ayollar safining kengayib borayotgani, ular orasida partiyadoshlarimiz ham borligi eʼtiborli.

“Adolat” SDP Izboskan tuman kengashi tomonidan “Adolatli jamiyat olimalarga tayanadi” mavzusida tashkil etilgan maʼnaviy-maʼrifiy tadbir ham ayni shu maqsadga qaratildi. Unda soʻz olganlar ilm-fanni rivojlantiruvchi intellektual salohiyatli xotin-qizlar faoliyati, olima ayollar tomonidan tatbiq etilayotgan yangiliklar haqida gapirdilar. Taʼlim va tibbiyot sohalarida faoliyat yuritayotgan “adolatchi” xotin-qizlarning istiqbolli loyihalari eʼtirof etildi.

Dilfuza Ahmedova, xalq deputatlari Izboskan tuman kengashi deputati:

-Davlatimiz tomonidan xotin-qizlarga boʻlgan eʼtibor oʻz samarasini bermoqda. Olima ayollarning qoʻllab-quvvatlanayotgani, qizlarimizni oʻqib, ilm olishi, izlanishi uchun yaratilgan imkoniyatlar yanada faol boʻlishga undamoqda. Huquqiy sohada ham opa-singillarimiz faol. Davra suhbatida ayni shu masalalarda soʻz bordi. Ixtirochi qizlarimizning loyihalari bilan tanishildi.

Tadbir mahallalarga koʻchdi. Izboskanlik partiyadoshlarimiz tomonidan “Adolatli jamiyatni birgalikda quramiz” shiori ostida tadbirlar tashkil etilmoqda.

“Adolat” SDP Andijon viloyat kengashi

Matbuot xizmati.