“Adolat” - qonun ustuvorligi demakdir

Qoʻrgʻontepalik Mirzohid Mirhamedov izlanuvchan yoshlardan. Yangilikka intiluvchanligi, tashabbuskorligi va bilimga chanqoqligi bilan tengdoshlari orasida ajralib turadi. Jamoat ishlarida ham doim faol. Qonunlarimizga boʻlgan qiziqish unda huquqshunos boʻlish orzusini uygʻotdi. Ayni shu maqsadda hozirda Andijon shahridagi Yuridik texnikumda tahsil olmoqda.

- Konstitutsiyamizning har bir moddasini yod olganman. Chunki barcha qonunlarimiz Bosh Qomusimiz asosida yaratiladi, — deydi izlanuvchan Mirzohid. — Siyosiy partiyalar faoliyatini oʻrganganimda “Adolat” SDPga qiziqishim ortdi. Sababi oʻz nomi bilan bu partiya jamiyatda qonun ustuvorligiga erishish uchun kurashadi. Shu sabab “adolatchilar” safiga qoʻshilishga qaror qildim.

Yosh safdoshimizga aʼzolik biletini topshirish bilan birga partiyaning maqsad va gʻoyalari, amaldagi loyihalari yuzasidan tushuncha berildi. Unda “Yoshlar parlamenti” aʼzoligiga qiziqish uygʻondi. Agar munosib topilsa faol ish olib borishligini bildirdi.

“Adolat” SDP Andijon viloyat kengashi
Matbuot xizmati.