"Adolat” SDP Fargʻona tuman Kengashining V Konferensiyasi boʻlib oʻtdi

“Adolat” sotsial-demokratik partiyasi tomonidan joriy yilning 9 iyul kuni Oʻzbekiston Respublikasi Prezidentligiga boʻlib oʻtadigan saylovda munosib ishtirok etish maqsadida partiyaning XI Qurultoyi oʻtkazilishi rejalashtirilgan. Boʻlib oʻtgan Fargʻona tuman Kengashining V Konferensiyasining kun tartibiga partiya viloyat Kengashi Konferensiyasiga Fargʻona tumanidan delegatlarni saylash masalasi qoʻyildi.

“Adolat” SDP Fargʻona tuman Kengashining V Konferensiyasida partiya tuman Kengashi aʼzolari, xalq deputatlari Fargʻona tuman Kengashi deputatlik guruhi aʼzolari, boshlangʻich partiya tashkiloti raislari, partiyaning “Yosh adolatchilar” va “Ayollar” qanoti aʼzolari hamda ommaviy axborot vositalari vakillari ishtirok etdilar. Qizgʻin muhokamalar jarayonida 7 nafar partiya faollari delegat sifatida partiya viloyat Kengashi Konferensiyasida ishtirok etish uchun bir ovozdan saylandilar.

Shundan soʻng Oʻzbekiston Respublikasi Prezidentligiga “Adolat” sotsial demokratik partiyasidan koʻrsatilgan nomzodni qoʻllab-quvvatlovchi imzolarni toʻplash jarayonlari koʻtarinki ruhda tashkillandi.

Adolat” SDP

Fargʻona viloyat kengashi Matbuot xizmati.