“Adolatchi” uy bekalari ham maydonda

Xotin-qizlar salomatligini mustahkamlash bilan ularning jamiyatdagi faolligini oshirish “Adolat” SDP oldidagi ustuvor vazifalardan. Shundan kelib chiqib joylarda ayni shu maqsadga qaratilgan tadbirlar tashkil etilayotgani bejiz emas. Partiyaning Izboskan tuman kengashi tashabbusi bilan “Sport nafislik-sogʻlomlik asosi” shiori ostida xotin-qizlar oʻrtasida sportning gimnastrada yoʻnalishi boʻyicha oʻtkazilgan musobaqada bu oʻz ifodasini topdi.

Dilfuza Ahmedova, “Adolat” SDP Izboskan tuman kengashi raisi:

-Xotin-qizlarni sogʻlomlashtirishda ularning tibbiy madaniyatini oshirish barobarida sportga jalb etishga alohida eʼtibor qaratyapmiz. Hamkor tashkilotlar bilan turli musobaqalar tashkil etish bu borada oʻz samarasini beryapti. Havaskor sportchilarimiz orasida uy bekalaridan tortib maktabgacha taʼlim tashkilotlari tarbiyalanuvchilari ham bor.

Asosiysi, ular sportga oshno boʻlish orqali sogʻlom va goʻzal boʻlmoqda.

Musobaqa katta bayram tantanasiga aylandi. Gʻoliblar esdalik sovgʻalari taqdirlandilar.

“Adolat” SDP Andijon viloyat kengashi

Matbuot xizmati.