“Adolatchilar” mahalla kezganda

Fuqarolarning huquqiy madaniyatini yuksaltirish va aholi bandligini taʼminlash Oʻzbekiston “Adolat” SDP faoliyatida keng oʻrin egallaydi. Bu borada mahalla faollari bilan hamkorlikda andijonlik “adolatchilar” tomonidan olib borilayotgan ishlar eʼtiborli.

Partiyaning Andijon shahar kengashi tashabbusi bilan “Istiqlol" mahalla fuqarolar yigʻinida ”Bir adolatchi yuz ayolga himoyachi” loyihasi asosida tashkil etilgan tadbirda bu borada amalga oshirilayotgan ishlar koʻrsatib oʻtildi.

Janona Rahimova, “Adolat” SDP Andijon shahar kengashi raisi:

-Partiyaning taniluvchanligini oshirishda MFY bilan hamkorlik katta ahamiyatga ega. Fuqarolar ayni shu institut orqali biz bilan yanada yaqin boʻladi. Bugun toʻrt ming nafardan ortiq aholi yashaydigan ushbu mahallada targʻibot ishlari bilan birga muammolarni ham oʻrgandik. Vaqtincha ishsiz boʻlgan ikki ayol hunar oʻrganish uchun oʻquv kursiga yoʻnaltirildi, 5 nafar keksa yoshdagi xotin-qiz salomatligini tiklashi uchun tibbiyot muassasalariga yoʻnaltirildi.

Tadbir doirasida xonadonlarda boʻlgan partiyadoshlarimiz fuqarolarga huquqiy madaniyat yuzasidan tushuncha berdilar.

“Adolat” SDP Andijon viloyat kengashi

Matbuot xizmati.