“Adolatchilar” mahalladagi muammolarga yechim topmoqda

Insonlarga yordam koʻrsatish, ijtimoiy koʻmakka muhtojlarning holidan xabar olish xalqimizga xos fazilatlardan. Qolaversa, bu mehr-oqibatlilik belgisi hamdir.

Yuqoridagilardan kelib chiqib “Adolat” SDP Andijon viloyat kengashi tomonidan “Saxovat yoʻlida birlashaylik” loyihasi doirasida amalga oshirilayotgan ishlar ibrat olarli. Paxtaobod tumanidagi Chorsu mahallasiga partiyadoshlarimizni ana shunday ezgu maqsad boshlab bordi.

Madaminjon Madazimov, “Adolat” SDP Andijon viloyat kengashi raisi:

-Birinchi navbatda MFY faollari bilan birgalikda aholining turmush darajasi, ijtimoiy-maishiy sharoitlari oʻrganildi. Muammosi bor oilalar bilan alohida suhbat oʻtkazilib, yechimi topilmoqda. Maqsad insonga eʼtibor va gʻamxoʻrlik davlatimiz siyosatining bosh omili ekanligini koʻrsatish. Bu amaldagi “Inson qadri va sifatli taʼlim yili”da yanada dolzarb ahamiyat kasb etayotgani jamoatchilikka yetkazilmoqda.

Xonadonlardagi oʻrganishlar davomida aholining daromadi, iqtisodiy resurslarga egalik hamda taʼlim darajasi, ish bilan taʼminlanganligi, sogʻliqni saqlash xizmatlaridan foydalanishiga eʼtibor qaratilyapti. Migrantlar bilan ishlash eng dolzarb vazifalardan biri sifatida belgilab olindi.

Dastlabki oʻrganish kunida MFYdagi 55 nafar fuqaro tibbiy koʻrikdan oʻtkazildi, 5 ta ehtiyojmand oilalarga oziq-ovqat mahsulotlari berildi, 12 nafar vaqtincha ishsiz xotin-qizning bandligi taʼminlandi.

Xayrli yurish davom etmoqda.

“Adolat” SDP Andijon viloyat kengashi

Matbuot xizmati