“Adolatchilar”ning tashabbusiga jamoatchilik qoʻshildi

“Adolat” SDPning “Tozalik yoʻlida birlashaylik” loyihasi jamoatchilik tomonidan qoʻllab-quvvatlanmoqda. Avvallari asosan bahor oylarida obodonlashtirish va tozalov ishlarini amalga oshirishga oʻrgangan boʻlsak endilikda bu doimiy vazifaga aylandi. Chunki ozodalik salomatlik ham demakdir.Partiyaning Jalaquduq tuman kengashi faollari ana shunday ezgu maqsad bilan mahallalarga kirib borganda jamoatchilik vakillari safdoshlarimizning xayrli tashabbusiga qoʻshilmoqda. Xususan tumandagi Qutlug' MFY Shirin koʻchasida loyiha doirasida tashkil etilgan targʻibot tadbiri mahalla ahlini oʻz xonadoni va koʻchasiga boʻlgan eʼtiborini oshirdi. Ertalabdan keksayu yosh obodonlashtirish va tozalov ishlariga kirishdi. Birinchi kunning oʻzida 6 tonnaga yaqin maishiy chiqindi belgilangan joylarga olib borib tashlandi.Shukrullo Xayitoxunov, mehnat faxriysi:-Ochigʻi, biz uchun obodlik hamma vaqt zarur.

“Adolatchilar” tomonidan olib borilgan targʻibot ishlari zimmamizdagi masʼuliyatni yanada oshirdi. Obod joyda baraka boʻladi, deydilar. Demak mahallamizga baraka ham kirdi.Qutlugʻ MFYda boshlangan xayrli ish qoʻshni mahallalarga ham koʻchdi.

“Adolat” SDP

Andijon viloyat kengashi Matbuot xizmati.