Adolatga hamnafas uchrashuvlar

Yangi Oʻzbekistonning yangi qiyofasi har tomonlama mukammal rivojlanish bosqichida boʻlishi uchun barchamiz birdek masʼulmiz. Zimmamizdagi vazifalarni sidqidildan ado etish barobarida yangi gʻoyalarni hayotga tatbiq etish orqali taraqqiyotga munosib ulush qoʻsha olamiz. Adolat” SDP Fargʻona viloyat Kengashi raisi, “Shuhrat” medali sohibasi, tadbirkor Shahnoza Gʻaniyevaning viloyatdagi oliy taʼlim muassasalarining talabalari, shahar tumanlardagi maktablarning yuqori sinflarida tahsil olayotgan oʻquvchilar bilan yuzma-yuz muloqoti ana shu ezgu maqsadga qaratilgan.  

Tashabbuskor siyosatchi va tadbirkor Shahnoza Gʻanievaning navbatdagi uchrashuvi Fargʻona davlat universitetining xorijiy filologiyasi talabalar bilan boʻlib oʻtdi.

Uchrashuvda Shahnoza Gʻaniyeva tadbirkorlik sohasining bilimdoni sifatida sohasining sir-sinoatlari, ushbu sohada faoliyat yuritish uchun qanday bilim va malakalarga ega boʻlish kerakligi hamda davlatimiz tomonidan tadbirkorlarga yaratilayotgan shart-sharoitlar haqida batafsil gapirib oʻtdi.

Shuningdek, yoshlarning siyosiy bilimlarini oshirish maqsadida “Adolat” SDPning Saylovoldi dasturi, partiyaning “Yosh adolatchilar”, “Ayollar” qanotining faoliyati haqida toʻxtalib, barchani “Adolat” SDP safida birlashish taklifini berdi.

Talabalar oʻzlarining qiziqtirgan savollariga atroflicha javob oldilar.