Aholi holidan xabar olinmoqda

Xalqimizga xos milliy qadriyatlarimizdan boʻlgan mehr-muruvvat va saxovatpeshalik fazilatlari nafaqat umumxalq bayramlari arafasida, balki doimo yurtdoshlarimizning eʼtiboridan chetda qolmagan.

Ayni kunlarda Respublikamiz boʻylab kuzatilayotgan sovuq ob-havo sharoitida, Oʻzbekiston Adolat SDP Toyloq tuman Kengashi qoshidagi Adolatli qaynonalar guruhi rahbari Oʻgʻiloy Yoʻldosheva va bir guruh faollar ishtirokida tumandagi “Ravot” mahallasida boʻlib partiyaning “Muammo bilan yuzma-yuz” loyihasi doirasida ijtimoiy himoyaga muhtoj, aholi qatlamini qoʻllab-quvvatlash maqsadida, keksa yoshli va nogironligi bor fuqarolar holidan xabar olishdi.

Tashrif davomida aholining koʻplab muammolari oʻrganildi. Jumladan, ishsiz fuqarolarimizning bandligini taʼminlash hamda bugungi kunning eng dolzarb masalalaridan biri boʻlmish elektr energiyasi bilan bogʻliq muammolarga eʼtibor qaratildi.

Jarayonda hududdagi fuqarolar mazkur eʼtibordan mamnun ekanligini yashirishmadi. Zero har bir yaxshilik insondan qoladigan eng katta neʼmatdir.

Nilufar Akramova,
“Adolat” SDP Tayloq tuman kengash raisi