Aholiga sifatli xizmat koʻrsatish darajasi oshiriladi

Soʻngi yillarda mamlakatimizda olib borilayotgan odilona siyosat natijasida xalqimizning ijtimoiy, iqtisodiy hayotida tub oʻzgarishlarga erishilmoqda, fuqarolarning   siyosiy, huquqiy, ijtimoiy, iqtisodiy, tibbiy bilimlari boyib, yurtimiz kelajagi yoʻliga safarbar etilayotgani bilan ahamiyatli boʻlmoqda.

Xususan, joriy yilning 30-aprel kuni xalqimizning faolligida boʻlib oʻtgan Referendumda umumxalq ovoz berish orqali Oʻzbekiston Respublikasining Yangi tahrirdagi Konstitutsiyasi qabul qilinganligi Yangi Oʻzbekistonimizni barpo etilishida xizmat qildi.

Shuningdek, joriy yilning 9-iyul kuni oʻtkazilgan Oʻzbekiston Respublikasi Prezidenti saylovi yana bir bora jamiyatimizning siyosiy yetukligini hamda Yangi Oʻzbekistonimizni barpo etilishida olib borilayotgan islohotlarni xalqimiz tomonidan qoʻllab-quvvatlanayotgani va unda tashabbuskor sifatidagi faolligi kuzatilmoqda.

Qaysi sohaga qaramaylik, oʻsish, oʻzgarish, rivojlanish koʻzga tashlanadi. Bu esa oʻz navbatida Oʻzbekiston xalqining toʻgʻri yoʻldan izchil borayotganidan dalolatdir.

Davlatimiz Rahbari tomonidan xalqimizning farovon hayotini koʻzlab   yana bir muhim hujjat yaʼni “Oʻzbekiston-30” strategiyasi qabul qilindi.

Hujjatda Yangi Oʻzbekistonimizni barpo etish boʻyicha xohish irodasini roʻyobga chiqarish, har bir fuqaroga oʻz salohiyatini rivojlantirish uchun barcha imkoniyatlarni yaratish, sogʻlom va bilimli barkamol avlodni tarbiyalash kabi bir qator ustuvor vazifalar maqsad qilib belgilanganligi mamlakatimiz tarixidagi yana bir tub oʻzgarish, desa xato boʻlmaydi.

Ayniqsa, aholi talablariga va xalqaro standartlarga toʻliq javob beradigan tibbiyot, taʼlim va ijtimoiy-himoya tizimini tashkil etishga chuqur eʼtibor qaratilgani aholiga sifatli tibbiy xizmat koʻrsatish uchun katta   imkoniyatlar yaratilishi bilan soha rivojini katta pogʻonaga koʻtarish orqali aholi salomatligi samaradorligiga erishiladi.

Farmonda ilgari surilgan aholining oʻrtacha umr koʻrish davomiyligini 78 yoshga yetkazish, tibbiyotga yoʻnaltirilgan mablagʻlar hajmini 2 barobarga oshirish, onkologiya, yurak-qon tomir va boshqa kasalliklar boʻyicha erta oʻlimning 2,5 barobarga kamaytirish, tibbiy yordamga muhtoj aholining 70% murojaatlarini birlamchi boʻgʻinning oʻzida hal etishga erishish kabi ustuvor yoʻnalishlar belgilab olingani aholi salomatligini yanada mustahkamlashga xizmat qiladi.

                                                                                             Toxir Palvanov,

                                                                RIO va RIATM Xorazm filiali direktori,

                 “Adolat” SDP Xorazm viloyat Kengashi raisi.