Ajdodlar xotirasini yod etib...

“Adolat” SDP tomonidan 9-fevral Alisher Navoiy tavalludining 582-yilligi hamda 14-fevral Zahiriddin Muhammad Bobur tavalludining 540-yilligi munosabati bilan Respublika miqyosida oʻtkazilayotgan chellenj yurtdoshlarimiz orasida keng ommalashmoqda. Ikki buyuk bobokalonlarimizning bebaho ijodiy-ilmiy merosi nafaqat xalqimiz, balki jahon adabiyoti, milliy madaniyatimiz va adabiy-estetik tafakkurimiz rivojida alohida oʻrin tutadi. Ularning asarlari butun jozibasi va latofati bilan millionlab kitobxonlar qalbidan munosib oʻrin egallagan.

Partiyaning Fargʻona viloyat Kengashi hamda viloyatdagi shahar-tuman Kengashlari raislari, partiya faollari, deputatlar chellenjda faol ishtirok etib, ajdodlarimiz xotirasini munosib yod etish, ularga hurmat koʻrsatish, boy adabiy merosini asrab, oʻqib-oʻrganishga chorlamoqda.

“Adolat” SDP Fargʻona viloyat Kengashi
matbuot xizmati.