Ajrim yechim emas

Ajralish – hozirgi zamon insoniylik jamiyatining eng muhim ijtimoiy muammolaridan biri hisoblanadi. Shuning uchun ajralish muammosini oʻrganishga keng ilmiy jamoatchilik eʼtibori qaratib kelinmoqda. Chunki oilalarning buzilishi tufayli nafaqat shu ajralishgan er-xotin va ularning farzandlari, balki jamiyat ham koʻp zarar koʻradi. Turli yoʻllar bilan boʻlsa-da, er-xotin oʻrtasidagi ajrashishlar sonini kamaytirish, oilalarning bir butunligi va barqarorligini saqlab qolish borasidagi mexanizmlarni kuchaytirish, bu borada amalga oshirilayotgan islohotlarni kuchaytirish nafaqat, zamon talabi, ayni vaqtda siz-u bizning asosiy vazifamizdir.

Bugun Kogon shahar oila va xotin-qizlar boʻlimi, 1-sektor rahbari, mahalla faollari ishtirokida 1-sektor binosida ajrim yoqasiga kelib qolgan oilalarni yarashtirish maqsadida davra suhbati tashkil etildi. Tadbirda hududdagi nizoli oilalar, oqila ayollar, otin oyilar, mahallalardagi faol ayollar hamda ibratli oilalar taklif etildilar.

Zamonaviy oilani rivojlantirish, yoshlarni oilaviy hayotga tayyorlash, oilada ota va onaning oʻrni, er-xotin, qaynona-kelin munosabatlari, oilaning ichki munosabatlari, boy madaniy, tarixiy meros va anʼanaviy oilaviy qadriyatlari haqida soʻz bordi va oila institutini mustahkamlashga eʼtibor qaratildi. Nizoli oilalarga ularni yarashtirish, oiladagi maʼnaviy muhitni sogʻlomlashtirish, psixologik, tibbiy, huquqiy va boshqa ijtimoiy xizmatlar koʻrsatildi. Shuningdek, tadbirdan koʻzlangan maqsadga erishildi, yaʼni ajrim yoqasiga kelib qolgan 2 ta oilalar yarashtirildi.

Maktuba Hamroyeva,

“Adolat” SDP Kogon shahar Kengashi raisi.