Ayollarning yuzlab muammolariga yechim topildi

Xalq deputatlari viloyat kengashining Xotin- qizlar va gender tenglik masalalari boʻyicha doimiy komissiyasi, Quvasoy shahar hokimligi, Oila va xotin qizlar boʻlimi hamkorligida, Bosh vazir oʻrinbosari Z.B.Mahkamovaning 13-iyul kuni oʻtkazgan videoselektor yigʻilishida belgilab berilgan vazifalarni ijrosini taʼminlash maqsadida Quvasoy shahridagi keng koʻlamdagi ishlar amalga oshirildi. Shahardagi “Qalacha”,” Arsif”, “Sufon”,” Yangiobod”, “Doʻstlik” kabi oʻndan ortiq mahallalarda xotin -qizlar oʻrtasida sodir etilayotgan jinoyatlar, oilaviy ajrimlar va noqonuniy migratsiyalarni oldini olish maqsadida ishchi guruhlari shakllantirilib, mahallalarda oʻrganish ishlarini boshlandi. Hududlarda har bir aholi vakillari bilan yuzma-yuz muloqotlarda aniqlangan 100 dan ortiq muammolar joyida hal etildi.

Oʻrganishlar jarayonida xotin-qizlar talablariga koʻra, 18-iyunʼ kuni “Arsif” qishlogʻidagi vrachlik punktida tibbiy xizmatlarda barcha yoʻnalishdagi shifokorlar taklif qilinib, bepul ayollar tibbiy koʻriklari tashkil etildi.

Quvasoy shahrida maxsus ishchi guruh tomonidan oʻrganish ishlar davom ettirilmoqda.

“Adolat” SDP
Fargʻona viloyat kengashi
Matbuot xizmati.