Barcha islohotlar xalqimiz farovonligi uchun

Davlatimiz rahbarining hududlarga tashriflari doirasida turli sohalarga yuzlanib, barcha yoʻnalishdagi tadbirkorlik obyektlarida boʻlib, barcha tadbirkorlar va yangidan yangi yaratilgan boʻsh ish oʻrinlari bilan ham tanishib chiqmoqda.

Prezidentimizning tashriflarini kuzatib borar ekanmiz har bir hududda xalq farovonligi, inson manfaatlari yoʻlida amalga oshirilayotgan islohotlarni koʻrib dilimiz yayraydi. Bugun shiddat bilan rivojlanib borayotgan zamonaviy texnologiya asrida barcha turdagi texnika vositalarini aynan bizning ham mamlakatimizda ishlab chiqarilishi yoʻlga qoʻyilganligi kishiga beqiyos faxr tuygʻusini ham baxsh etadi.

Mamlakatimizda hozirda ishlab chiqarish sohasi jadal rivojlanib kelayotgan bir vaqtda, nafaqat oʻzimiz uchun mahsulotlar ishlab chiqarilmoqda, balki eksport hajmi ham aynan mana shu ishlab chiqarish sohalari ortidan kun sayin oshmoqda.

Prezidentimizning Qashqadaryo viloyatiga qilgan tashriflari chogʻida, nafaqat viloyat aholisini balki, butun mamlakatimiz fuqarolarining manfaatlari uchun mutasaddilarga ishlab chiqarishni keng yoʻlga qoʻyish va ishsizlik masalasida yechimini kutayotgan masalalarga eʼtibor qaratib, ustuvor vazifalar belgilab berilgani hech birimizni befarq qoldirmadi.

Chunki ushbu tashriflar natijasi oʻlaroq, kelgusida Davlatimizning rivojlanishi, hamda eng dolzarb mavzulardan biri hisoblanmish ishsizlik sonining kamayishiga sababchi boʻla oladi, albatta.

Nigora Rabbimova,
Xalq deputatlari Samarqand viloyat Kengashi deputati.