Barchamiz uchun tarixiy voqea

Bugun O'zbekiston «Adolat» SDP Siyosiy Kengashi raisi Abduhalimov Bahrom Abdurahimovich partiya Qoraqalpog'iston Respublikasi hududiy Kengashiga tashrif buyurdi.

Tashrif davomida partiya Siyosiy Kengashi raisi Bahrom Abdurahimovich hududiy Kenagash xodimlari va ularning ish faoliyati bilan yaqindan tanishib, partya Qoraqalpog'iston Respublikasi Kengashi Ijroiya Qo'mitasining 2022 yildagi faoliyati hamda “Insonga e'tibor va sifatli ta'lim yili”da amalga oshiriladigan ustuvor vazifalarga e'tibor qaratdi.

Bahrom Abdurahimovich o'z so'zlarida O'zbekiston Respublikasi Konstitutsiyasi qonun loyihasini tayyorlashda O'zbekiston «Adolat» sotsial-demokratik partiyasining salmoqli ishtirokini alohida ta'kidlab, 30-aprel kuni o'tkaziladigan umumxalq referendumi barchamiz uchun tarixiy voqea ekanligini e'tirof etdi.

Tashrif yakunida partiya Siyosiy Kengashi raisi amalga oshirilgan ishlar yuzasidan hamda kelgusi rejalar bilan tanishib, hududiy Kengash sa'y-harakatlariga ijobiy baho bergan holda, barchani targ'ibot-tashviqot ishlarida yanada faol bo'lishga chaqirdi.

Qisqa muddatli tashrif o'zaro iliq fikrlar va samimiy muloqotlar bilan o'z yakuniga yetdi.

O'zbekiston «Adolat» SDP
Qoraqalpog'iston Respublikasi
Kengashi matbuot xizmati