Bemor bolalar “adolatchilar”dan xursand

Bolalar – oila quvonchi, begʻuborlik timsollari. Ularning kulgilari barchaga yaxshi kayfiyat ulashsa, betobliklari hammani birdek tashvishga soladi. Shu sabab barchamiz ularga parvonamiz, mehrimizni beramiz.

Oʻzbekiston “Adolat” SDPning Andijon davlat tibbiyot institutidagi boshlangʻich partiya tashkiloti aʼzolarini ana shunday ezgu maqsad Andijon shahrida joylashgan bolalar shifoxonasiga boshladi. “Adolatchi” –shifokorlar va talabalar bemor bolalar bilan suhbatlashish bilan birga salomatliklarini oʻrgandilar. Sogʻlom turmush tarzi va inson salomatligini mustahkamlashda sportning roli haqida tushuncha berildi.

Kichkintoylar ishtirokida tashkil etilgan turli oʻyinlar ularning koʻngliga quvonch olib kirdi. Tadbir tashkilotchilari tomonidan tayyorlangan sovgʻalar bolajonlarga manzur boʻldi.

Shirinlik va oʻyinchoqlar bilan birga mehr ulashilganda davra yanada fayzli boʻldi.

“Adolat” SDP Andijon viloyat kengashi

Matbuot xizmati.