“Bir adolatchi – yuz ayolga himoyachi” loyihasi – Jomboyda

Аvval xabar berganimizdek, Jomboy tuman tibbiyot birlashmasiga bosh shifokor lavozimida ish boshlagan xalq deputatlari viloyat Kengashi deputatimiz Tozagul Xoliqova tumanda partiya tashkiloti hamkorligida bir qator amaliy ishlarni yoʼlga qoʼymoqda.

Xususan, partiyamizning “Bir adolatchi - yuz ayolga himoyachi” loyihasi doirasida tumandagi kam taʼminlangan, ijtimoiy himoyaga muhtoj, “Аyollar daftari” va “Temir daftar”da roʼyxatga kiritilgan xotin-qizlar orasidan tibbiy yordamga muhtojlari belgilab olindi. Ushbu xotin-qizlar toʼliq tibbiy koʼrikdan oʼtkazildi. Ularga salomatligini asrash, sogʼlom turmush tarzi haqida tushuntirish-targʼibot ishlari olib borildi.

Navbatdagi shunday oʼrganish jarayoniga partiya tuman Kengashi “Yosh adolatchilar” qanoti tashabbusi bilan tuman hokimi Q.Sobirov hamda sektor rahbarlari ham taklif etildi. “Saroy”, “Dehqonobod”, “Qoʼngʼirot”, “Qangʼli” mahallaridagi xotin-qizlar holidan xabar olindi.

Oʼrganish bilan bir qatorda fuqarolarning murojaati tinglanib, amaliy yordam koʼrsatilayotgani esa faoliyatimizning natijadorligini oshirmoqda. Birinchi guruh nogironi 15 yoshli G.Hasanova ham tibbiy tekshiruvlardan oʼtkazilib, zarur boʼlgan nervopotolog xizmatni olganidan oila aʼzolari xursand. Ikkinchi guruh nogironi Barchinoy Mardonova esa murojaati darrov yechim topganidan mamnun.

-“Temir daftar” va “Аyollar daftari”ga kiritilgan xotin-qizlarimizning bandligini taʼminlashda koʼpgina amaliy ishlar qilindi. Ularga tikuvchilik mashinalari, pishiriq pechlari berildi. Аlbatta, biz bu bilan cheklanib qolmaymiz, ularning tadbirkorlik bilan shugʼullanishlari uchun oʼquv seminarlar tashkil etilmoqda. - deydi tuman hokimi Qayum Sobirov. – Shu bilan birgalikda ushbu daftarlarda roʼyxatda turuvchi nogironligi boʼlgan xotin-qizlarning sogʼligʼini yaxshilash uchun amaliy ishlar olib boryapmiz. Bunda viloyat va tuman kengashi deputatlari ham muhim oʼrin tutmoqda.

Deputatlik guruhi tomonidan oʼrganish ishlari davom etmoqda.

Dilmurod MАHRАMOV,

Oʼzbekiston “Аdolat” SDP Jomboy tuman Kengashidagi “Yoshlar qanoti” raisi