Birgalikda huquqiy madaniyat sari…

Yangi Oʻzbekistonning Yangi Konstitutsiyasi mamlakatimizda yangi islohotlarni boshlab berdi. Inson qadri ulugʻlangan yurtda baxtli turmush kechirayotganimizga shukronalar aytamiz. Yangilangan Konstitutsiyaning muhim jihatlaridan biri mamlakatimizni ijtimoiy davlat sifatida eʼtirof etilganligidadir. 9 iyul kuni boʻlib oʻtadigan Prezidentlik saylovi mamlakatimiz va xalqimiz hayotida yana bir yangi taraqqiyot sahifasini ochib beradi.

“Аdolat” SDP Qoʻqon shahar Kengashi tomonidan “Birgalikda huquqiy madaniyat sari” shiori ostida viloyat 1-sonli tumanlararo ftiziatriya dispanseri boshlangʻich partiya tashkiloti aʼzolari ishtirokida davra suhbati ayni shu mavzuga qaratildi.

Har bir inson shu yurtda istiqomat qilar ekan, uning ertangi porloq kelajagi uchun masʼuldir, — deydi Qoʻqon shahar Kengashi raisi Аzizxon Аhmadjonov, — Yurt taraqqiyoti va xalq farovonligi yoʻlida siyosiy jarayonlarda faol ishtirok etishimiz lozimdir.

“Adolat” SDP

Farg’ona viloyat kengashi matbuot xizmati.