Birinchi navbatda, xalq manfaatlari

Mamlakatimizda xalq davlat organlariga emas, balki davlat organlari xalqimizga xizmat qilishi kerak, degan elparvar tamoyil asosida amalga oshirilayotgan keng koʻlamli ishlar oʻz samarasini bermoqda. Bu borada joylarda bir qator tashkilotlar vakillari ishtirokida oʻtkazilayotgan uchrashuvlar, amaliy tadbirlar, sayyor qabullar muhim ahamiyat kasb etmoqda.

Prezidentimizning aholi murojaatlari bilan ishlash tizimini mutlaqo yangicha tashkil qilishga bagʻishlangan, kengaytirilgan videoselektor yigʻilishida berilgan topshiriqlari ijrosini taʼminlash maqsadida 2023-yilning 1-mart kuni “Chashma” MFYning faollar zalida 9-Soʻzangaron okrugidagi MFYlarda istiqomat qiluvchi fuqarolar bilan Xalq Qabulxonasi shahar boʻlimi hamkorligida sayyor qabul oʻtkazdim.

Qabul davomida 8 ta MFYdan 22 ta murojaat kelib tushdi. 3 ta murojaat jamoat transporti masalasida, 4 ta murojaat koʻchani asfalt qilish masalasida, 3 ta masala ichimlik suv quvurlarini almashtirish va kanalizatsiyaga ulash masalasida, 5 ta masala elektr simyogʻochlarni almashtirish va Dushanbe koʻchasidagi elektr uzatgichni demontaj qilish toʻgʻrisida, 2 ta murojaat irrigatsiya tarmogʻini koʻrib chiqish masalasida, 3 ta uy-joy bilan taʼminlash masalasida, 2 ta murojaat sogʻligʻini tiklash uchun operatsiyaga mablagʻ ajratish masalasida murojaatlar boʻldi. Ushbu uchrashuvga ishtirok etgan qator tashkilotlar vakillari fuqarolar tomonidan murojaat qilingan barcha muammolarni iloji boricha oʻsha yerning oʻzidayoq bartaraf etishga harakat qilishdi. Jarayonda yakuniy yechimini topa olmagan bir qancha masalalarda oʻz vakolatimdan foydalangan holda deputatlik soʻrovlarini yubordim.

Muloqot yakunida inson qadri ulugʻlanayotgan yurtimizda, yuz berayotgan hayotbaxsh islohotlarga daxldorlik hissi bilan yashash har birimizning fuqarolik burchimiz ekanligini yana bir bor taʼkidlab oʻtdim, chunonan biz faqatgina xalq manfaati yoʻlida mehnat qilishimiz, nafaqat xalqimiz balki, har bir fuqaro qalbiga yetib borishi biz uchun juda muhimdir.

Muhiba Bababekova,
“Adolat” SDP Samarqand viloyat Kengashi raisi,
Xalq deputatlari Samarqand shahar deputati.